ТӨРИЙН ЖИНХЭНЭ АЛБАН ХААГЧИЙН ТАНГАРАГ ӨРГӨЛӨӨ
- 2025-07-07
ТӨРИЙН ЖИНХЭНЭ АЛБАН ХААГЧИЙН ТАНГАРАГ ӨРГӨЛӨӨ
Төрийн албаны мэргэшлийн шалгалтад тэнцэж, зохих шаардлагыг хангасан шүүхийн Тамгын газрын зарим албан хаагчдын төрийн жинхэнэ албаны Тангараг өргөх ёслолын ажиллагааг Шүүхийн ерөнхий зөвлөлийн Ажлын алба, Шүүхийн ерөнхий зөвлөлийн дэргэдэх Төрийн албаны салбар зөвлөлөөс зохион байгуулсан бөгөөд орон нутаг дахь шүүхийн Тамгын газрын албан хаагчид цахим сүлжээгээр оролцлоо.
Тус шүүхийн Тамгын газрын Хэргийн хөдөлгөөний удирдлагын хэлтсийн шүүх хуралдааны нарийн бичгийн дарга Партиягийн Жанбота нь эх орон, ард түмнийхээ төлөө эрдэм чадлаа зориулж, Монгол Улсын хууль, ёс зүйн хэм, хэмжээг чанд сахиж, үндэсний язгуур ашиг сонирхолд захирагдан албан үүргээ үнэнч шударгаар биелүүлэхээ тангараглав.
Мөн Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн Тамгын газрын шүүх хуралдааны нарийн бичгийн дарга Женисбекийн Медине нь Тангараг өргөх ёслолын ажиллагаанд тус шүүхийн байрнаас цахимаар оролцлоо.
Шүүхийн хамт олныг төлөөлж Баян-Өлгий аймаг дахь шүүхийн Тамгын газрын дарга Б.Ерханат үг хэлж баяр хүргэн, Төрийн албан хаагчийн тангараг өргөсөн албан хаагч нарт дурсгалын зүйл гардуулж, амжилт хүслээ.
Баян-өлгий аймАГ ДАХЬ ШҮҮХИЙН ТАМГЫН ГАЗАР
2025.07.07